प्रधानमन्त्री केपी शर्मा ओलीको साताव्यापी चीन भ्रमण सकिएको छ । चैत ७ गते जम्बो टोली लिएर चीन भ्रमणमा गएका प्रधानमन्त्री ओली आइतबार स्वदेश फर्केका छन् ।
भ्रमणका क्रममा चीनसँग १० वटा सम्झौता गरेका थिए । दुई देशका प्रधानमन्त्रीको उपस्थितिमा सम्झौता हरुमा सम्वन्धित अधिकारीहरुले हस्ताक्षर गरेका छन् । भ्रमणका क्रममा चीन र नेपालबीच १५ बुँदे संयुक्त विज्ञप्तिसमेत जारी भएको छ । भ्रमणमा इन्धनसम्बन्धि कुनै पनि सम्झौता हुन नसकेपनि एक–अर्को देशमा बैंकका शाखा स्थापना गर्न बाटो खोलिएको छ । आर्थिक कारोबार प्रभावकारी बनाउन नेपालमा चिनियाँ बैँकको शाखा खोल्ने तथा चिनमा पनि नेपाली बैँकका शाखा खोल्ने विषयमा सहमति भएको हो । सम्झौतापछि दुवै मुलुकले एकआपसमा बैँकिङ सूचना तथा आपसी सहयोग आदानप्रदान गर्ने प्रतिवद्धता एवम् आवश्यक परामर्शका लागि सहज वातावरण तयार पारेको नेपाल राष्ट्र बैँकले जनाएको छ ।
त्यस्तै, नेपाल र चिनबिच पारवाहन सम्झौतामा पनि हस्ताक्षर भएको छ । यो सम्झौंतापछि तेस्रो मुलुकको सामान भारतमार्फत मात्रै ल्याउनुपर्ने बाध्यताको अन्त्य हुनेछ । चिनियाँ बन्दरगाहमा नेपालबाट व्यापारका लागि सबैभन्दा सहज हुने ग्वाङचाउ हो । ग्वाङचाउ सांघाईपछि चीनको दोस्रो ठूलो व्यापारिक बन्दरगाह हो । नेपालसंग धेरै व्यापार हुने युनान, सिचुआन लगायतका प्रदेशबाट नजिक भएको कारण पनि ग्वाङचाउ नेपालका लागि महत्वपूर्ण छ । अर्को तिर लत्ता कपडा एवं जुत्ता आयातका लागि नेपालको मुख्य हव ग्वाङचाउ नै हो । तर भौगोलिक प्रतिकुलताको कारण तत्काल यहाँबाट पारवहन सुविधा लिन सम्भव छैन । ग्वाङचाउ नेपाल बाट झन्डै तीन हजार किलोमिटर टाढा छ । अहिले यहाँबाट सामान आयात गर्नेहरु अधिकांशले पानी जहाजमा कलकत्ता पठाएर त्यहाँबाट रक्सौलको बाटो भएर नेपाल भित्र्याउने गरेका छन् । त्यसैले तत्कालै पारवहनमा चीन भारतको विकल्प हुने सम्भावना छैन । यसका साथै, नेपाल र चिनबिच पोखरा विमानस्थल निर्माणसम्वन्धी सम्झौता, हिल्सा सडक एवं सुख्खा बन्दरगाह निर्माण सम्वन्धी अर्को सम्झौता समेत भएको छ । सम्झौतापछि पोखरा अन्तर्राष्ट्रिय विमानस्थल निर्माणको कार्यले द्रुत गति लिएको छ ।
चीनमा रहँदा प्रधानमन्त्री ओलीले राष्ट्रपति सी जिनपिङ, प्रधानमन्त्री ली खछ्याङलगायत उच्चस्तरीय राजनीतिक भेटघाट गरेका थिए । उनले चीनको विभिन्न प्रान्त र शहरको पनि अवलोकन भ्रमण गरेका थिए । चिनमा भएका १० सम्झौताहरु निम्नअनुसार रहेका छन् ।।
- पारवहन सम्झौताः नेपाल र चीनबीच पारवहन सम्झौतामा हस्ताक्षर
- चीनले नेपालमा ३२ हजार घरधुरीलाई सोलार प्लान्ट जडान गर्ने
- पोखरा विमानस्थल निर्माणसम्वन्धी सम्झौता
- २५ प्रतिशत विना ब्याजको अनुदान
- एक्जिम बैंकको ऋण
- ट्रेडमार्क दर्तासम्वन्धी सम्झौता
- नेपालमा ग्यास तथा पेट्रोलियम अन्वेषण सम्वन्धी समझदारीः यो समझदारीपछि नेपालमा भएको ग्यास र पेट्रोलियम अन्वेषणमा चीनले सहयोग गर्नेछ ।
- स्वतन्त्र व्यापारसम्वन्धी सम्झौताः यो सम्झौतामा ५०० वस्तुको प्रवेशाज्ञाबारे काम थाल्ने उल्लेख छ ।
- बैंकिङ रेगुलेशनसम्वन्धी सम्झौताःएक अर्को देशमा बैंकको शाखा खोल्ने
- हिल्सामा पुल निर्माण
0 comments:
Post a Comment