केहि जानकारी हरु !!

• नेपालले संयुक्त राष्ट्रसंघको आह्वानमा सन् २०१५ को सेप्टेम्बरबाट कार्यान्वयन हुने १५ वर्षे दिगो विकास लक्ष्य (सस्टेनेबल डेभलपमेन्ट गोल— एसडीजी)का लक्ष्यगत सूचक तयार गरेको छ । राष्ट्रसंघले तय गरेका १७ वटा लक्ष्य र १५९ वटा उद्देश्यमध्येबाट नेपालको आवश्यकताअनुसार विषय छनोट र कार्यान्वयन गर्ने गरी राष्ट्रिय योजना आयोगले लक्ष्यगत सूचक तय गरेको हो । नीतिगत सहजीकरण र संस्थागत क्षमता अभिवृद्धिमार्फत यी लक्ष्य हासिल गरिने सरकारी प्रतिवेदनमा उल्लेख छ । एसडीजी प्रतिवेदनमा उल्लेख भएअनुसार  नेपाललेः- 

1. दिगो विकास लक्ष्य गरिबी ६ प्रतिशतमा झार्ने
2. कुपोषण हटाउने मातृमृत्युदर प्रत्येक १ लाखमा ७० कायम गर्ने
3. नवजात शिशुको मृत्युदर १ प्रतिशतभन्दा कम गर्ने
4. सरुवा र नसर्ने रोगको प्रकोप एकतिहाइ कम गर्ने 
5. ९० प्रतिशतसम्म सुरक्षित प्रसूति सेवा कायम गर्ने
6. सबैका लागि गुणस्तरीय शिक्षा, पूर्ण साक्षरता र प्राथमिक शिक्षा सुनिश्चित गरिने
7. कक्षा ८ सम्म ९५ प्रतिशत भर्नादर कायम गर्ने
8. ९० प्रतिशत बालबालिकालाई पूर्व प्राथमिक शिक्षा
9. संसद् र निजामती सेवाको निर्णायक तहमा ४० प्रतिशत महिला कोटा सुनिश्चित गर्ने
10. शतप्रतिशत घरधुरीलाई पाइपमार्फत खानेपानी सेवा
11. सबै समुदाय खुला दिसामुक्त क्षेत्र 
12. ९९ प्रतिशत घरधुरीलाई विद्युत्,
13. दाउरा प्रयोग १० प्रतिशतमा सीमित गर्ने
14. कम्तीमा ७ प्रतिशतको आर्थिक वृद्धि
15. कृषि र निर्माण क्षेत्रमा ५ देखि १० प्रतिशतसम्मको वृद्धि
16. सडक घनत्व हालको ०.५ वर्गकिलोमिटरबाट ५ प्रतिवर्गकिलोमिटर
17. उपभोग असमानता सूचक ०.३३ बाट ०.१६ प्रतिशतमा झार्ने
18. सामाजिक, आर्थिक र राजनीतिक सशक्तीकरण सूचक ०.७० प्रतिशत कायम गर्ने
19. बहुआयामिक गरिबी ११ प्रतिशतमा कायम गर्ने
20. ६० प्रतिशत नागरिकलाई सुरक्षित आवास
21. ५० प्रतिशत सडक अन्तर्राष्ट्रिय मापदण्डको
22. ५० वटा स्याटेलाइट सहर विस्तार
23. जैविक इन्धन उपभोग १५ प्रतिशत कायम गर्ने
24. ४५ प्रतिशत वनक्षेत्र सामुदायिक व्यवस्थापनमा
25. पारदर्शिता र जवाफदेहिता स्केल ३ बाट ५ पुर्याउने
26. सुशासन –०.८३ बाट २.५ पुर्याउने लक्ष्य नेपालले लिएकोछ ।

• विश्वकै होचा व्यक्तिका रुपमा वि.स. 2068 फागुन 14 गते गिनिज बुक मा नाम लेखाउन सफल नेपालका चन्द्र बहादुर डाँगीको वि.स. 2072 भाद्र 18 गते निधन भयो ।
• सरकारले लखन थापालाई औपचारीक रुपमा वि.स. 2072 असोज 3 गते प्रथम सहिद घोषणा गरेको छ ।
• सन् 2015 सेप्टेम्बर बाट कायान्वयन भएको 15 वर्षे दिगो विकासको लक्ष्य अनुसार नेपालको गरिबी 6 प्रतिशत कायम गर्ने योजना छ ।
• भारतको रक्सौल देखि नेपालको अमलेखगञ्जसम्म 41 किलोमिटर लामो पेट्रोलियम पाइपलाइन निर्माणमा वि.स. 2072 भाद्र 7 मा सम्झौता भयो ।
• वि.स. 2071 मंसिर 15 गतेबाट नेपाल र चीनबीचको रसुवागढी नाका सञ्चालन भएको थियो ।
• निजामति सेवा नियमावली १२ औ पटक संशोधन वि.स. २०७२ असोज ७ गते भएको थियो ।
• सिएनएन हिरो - २०१५ उपाधी नेपालको तर्फबाट सिफारिस भएकी कोपिला भ्याली सेवा समाज, सुर्खेतमा कार्यरतअमेरिकि नागरिक म्यागी डोयनले प्राप्त गरेकी छन ।
• एशियाली पुर्वाधार विकास वैङ्क (AIIB) स्थापना गर्ने सहमति पत्रमा नेपाल सहित ५० राष्टले 2015 जुन 29 हस्ताक्षर गरे ।
• सरकारले २०७२/०७३ लाई वजेट कार्यान्वयन वर्षको रुपमा मनाउने घोषणा गरेको छ ।
• नेपाल राष्ट्र बैंकद्वारा साउन ७, २०७२ मा सार्वजनिक १३ औं मौद्रिक नीतिमा आर्थिक वृद्धि दर ६ प्रतिशत हासिल गर्ने लक्ष्य राखिएको छ ।

Share on Google Plus

About Dinesh Lamichhane

"राम्रो भोलिको लागि, आज सिकौं र सिकाऔं" भन्ने उध्येश्यका साथ संचालित, यो बल्ग शिक्षा, सञ्चार, जागरूकता, जानकारी, समन्वय, पुस्तकहरु, कक्षाहरू, आदि र समग्रमा लोकसेवा र कलेजको विद्यार्थी सँग सम्बन्धित ब्लग हो। देशमा बढीरहेको बेरोजगारी र नेपाली प्रशासनमा कमजोर कर्मचारी को समस्यालाई ध्यानमा राखी यो बल्ग निर्माण गरिएको हो । यहाँ हामी सके सके-सम्म सम्पुर्ण बिषयबस्तुहरु समावेस गर्ने प्रयास गरिरहेका छौ। जस्ले गर्दा कुनैपनि लोकसेवाको तयारी गरीरहेका र कलेज पढ्दै गरेका विद्यार्थीहरुलाई धेरै उपयोगी हुनेछ भन्ने हाम्रो विश्वास रहेको छ। तपाईपनि आ-आफ्नो ठाँऊबाट हामीलाई सहयोग गरिदिनुहुन अनुरोध गर्दछौ । तपाई सँग एदी कुनै लोकसेवाको लागी सहयोगी सामाग्रीहरु साथै बिभिन्न संकायका शैक्षिक सामाग्रीहरु छन् भने हामीलाई lcdinesh57@gmail.com र dineshlamichhane57@gmail.com मा मेल गरी सहयोग गर्न सक्नुहुन्छ ।