नेपालमा रोजगारीको कति आयमा हाल कति आयकर र मानव संशाधन विकासका विशेषताहरु .......

नेपालमा रोजगारीको कति आयमा हाल कति आयकर  

नेपालमा रोजगारीको आयमा आर्थिक ऐन‚ २०७२ अनुसार आयकर लाग्ने व्यवस्था रहेको छ । जस्मा रहेको ब्यवस्थाहरु निम्न अनुसार रहेका छन् ।

(१)     एक्लो व्यक्तिको हकमा :

Ø  दुई लाख पचास हजारसम्मको करयोग्य आयमा एक प्रतिशत‚

Ø  दुईलाख पचास हजारभन्दा बढी तीनलाख पचास हजारसम्मको करयोग्य आयमा पन्ध्र प्रतिशत‚

Ø  तीन लाख पचास हजारभन्दा बढीको करयोग्य आयमा पच्चीस प्रतिशत‚

Ø  पच्चीस लाखभन्दा बढी करयोग्य आय भएमा बढी भए जति करयोग्य आयको पच्चीस प्रतिशत बमोजिम लागेको करको दरमा थप चालीस प्रतिशत अतिरिक्त कर लाग्ने ब्यवस्था रहेको छ ।

(२)     दम्पतीको हकमा :

Ø  तीन लाखसम्मको करयोग्य आयमा एक प्रतिशत‚

Ø  तीन लाखभन्दा बढी चार लाखसम्मको करयोग्य आयमा पन्ध्र प्रतिशत‚

Ø  चार लाखभन्दा बढीको करयोग्य आयमा पच्चीस प्रतिशत‚

Ø  पच्चीस लाखभन्दा बढी करयोग्य आय भएका बढी भए जति करयोग्य आयको पच्चीस प्रतिशत अतिरिकक्त कर‚

छुट प्रावधान :

v  नेपाल सरकारले तोकेको दूर्गम क्षेत्रमा कार्यरत व्यक्तिको दुर्गम भत्त बापत तोकिए बमोजिम बढीमा पचास हजारसम्म करयोग्य आयबाट घटाई बाँकी रहने रकममा मात्र करको गणना गरिने व्यवस्था‚

v  नेपालका विदेशस्थित कूटनीतिक नियोगमा कार्यरत कर्मचारीको वैदेशिक भत्ताको पचहत्तर प्रतिशत रकम करयोग्य आयबाट घटाई बाँकी रहने रकममा करको गणना गरिने व्यवस्था‚

v  अपाङ्ग भएको व्यक्तिका लागि दुई लाख पचास हजारको र अपाङ्गता भएको दम्पतिका लागि तीन लाखको पचास प्रतिशत थप रकम करयोग्य आयबाट घटाई बाँको रहने रकममा मात्र करको गणना गरिने व्यवस्था‚

v  पारिश्रमिक आय मात्र आर्जन गर्ने महिलाले तिर्नुपर्ने कर रकममा दश प्रतिशत छुट हुने व्यवस्था रहेको छ ।

मानव संशाधन विकासका विशेषताहरु

संगठनमा कार्यरत जनशक्तिको ज्ञान बढाउने‚ सीप सिकाउने तथा धारणामा सकारात्मक परिवर्तन ल्याउने कार्य मानव संशाधन विकास हो । यो कर्मचारीको क्षमता अभिबृद्धि गर्ने कार्य हो । यसमा Operating Level का कर्मचारीलाई सोहीसम्बन्धी तालिम तथा Management Level का व्यवस्थापकलाई व्यवस्थापन विकास तालिम दिइन्छ । मानव संशाधन व्यवस्थापनका कार्य जस्तैः मानव संशाधनको प्राप्ति‚ विकास‚ उपयोग र सम्भारमध्ये मानव संशाधन विकास एक महत्पूर्ण कार्य हो । मानव संशाधन विकासको यस अर्थबाट पनि यसका केही विशेषता बुझ्न सकिन्छ । बुदागत रुपमा यस्का विशेषताहरु निम्न रहेका छनः -

v  मानव संशाधन विकास संगठनको लक्ष्य हासिल गर्न गरिने कार्य हो ।

v  यो एक निरन्तर प्रक्रिया हो । प्रतिस्पर्धात्मक वातावरणमा कर्मचारीलाई सक्षम बनाई रहनुपर्ने भएकाले संगठनको अस्तित्व रहेसम्म मानव संशाधन विकास निरन्तर चलिरहन्छ ।

v  यो मानव केन्द्रित कार्य हो । तालिम र व्यवस्थापन विकासजस्ता सबै कार्य मानवलाई केन्द्रमा राखेर बनाइन्छ ।

v  यो व्यवस्थापन र कर्मचारी वीच असल सम्बन्ध कायम गराउने कार्य हो ।

v  मानव संशाधन विकास एक Systematic कार्य हो‚ जस अन्तर्गत Inputs, Processing र Outputs पर्दछन् ।

v  यो व्यवस्थापनले गर्ने कार्य हो संगठन र कर्मचारी दुवैका लागि यो आवश्यक हुन्छ ।

v  यसले कर्मचारीमा ज्ञान बढाउँछ‚ जसबाट कर्मचारीको उत्प्रेरणा बृद्धि हुन पुग्दछ ।

v  यो कर्मचारीको वृत्ति विकासको आधार पनि हो यसमा तालिम‚ अभिमुखीकरण‚ सामाजिकीकरण‚ स्वदेश विदेश अध्ययन तथा भ्रमण‚ सरुवा‚ बढुवा जस्ता कार्य गरिन्छ ।

Share on Google Plus

About Dinesh Lamichhane

"राम्रो भोलिको लागि, आज सिकौं र सिकाऔं" भन्ने उध्येश्यका साथ संचालित, यो बल्ग शिक्षा, सञ्चार, जागरूकता, जानकारी, समन्वय, पुस्तकहरु, कक्षाहरू, आदि र समग्रमा लोकसेवा र कलेजको विद्यार्थी सँग सम्बन्धित ब्लग हो। देशमा बढीरहेको बेरोजगारी र नेपाली प्रशासनमा कमजोर कर्मचारी को समस्यालाई ध्यानमा राखी यो बल्ग निर्माण गरिएको हो । यहाँ हामी सके सके-सम्म सम्पुर्ण बिषयबस्तुहरु समावेस गर्ने प्रयास गरिरहेका छौ। जस्ले गर्दा कुनैपनि लोकसेवाको तयारी गरीरहेका र कलेज पढ्दै गरेका विद्यार्थीहरुलाई धेरै उपयोगी हुनेछ भन्ने हाम्रो विश्वास रहेको छ। तपाईपनि आ-आफ्नो ठाँऊबाट हामीलाई सहयोग गरिदिनुहुन अनुरोध गर्दछौ । तपाई सँग एदी कुनै लोकसेवाको लागी सहयोगी सामाग्रीहरु साथै बिभिन्न संकायका शैक्षिक सामाग्रीहरु छन् भने हामीलाई lcdinesh57@gmail.com र dineshlamichhane57@gmail.com मा मेल गरी सहयोग गर्न सक्नुहुन्छ ।